ВЕЧЕР НА ИНСПИРАТИВНИ СПОРТСКИ ПРИКАЗНИ

ВЕЧЕР НА ИНСПИРАТИВНИ СПОРТСКИ ПРИКАЗНИ

Sorry, this entry is only available in Macedonian. For the sake of viewer convenience, the content is shown below in the alternative language. You may click the link to switch the active language.

Во организација на Здружението „ТАКТ“, а во соработка со Општина Битола и со поддршка на Амбасадата на Франција во Македонија, се одржа настанот „Вечер на инспиративни спортски приказни“. Настанот е дел од проектот „Жени лидерки во спортската индустрија“. Присутните имаа можност да слушнат инспиративни приказни за издржливоста и храброста, за надминување на предизвиците и бариерите во текот на градењето на спортските кариери на неколку истакнати спортистки од Битола, кои во македонската јавност се познати по своите значајни резултати. За својата истрајност и ангажман, зборуваа: Гордана Цветковска-Бошевска, Оливера Наковска-Бикова, Билјана Чурлевска-Маневска и Ана Котевска. Преку овој настан, на директен начин се прикажува големата улога на спортот во личниот и професионалниот живот на една жена. Присутните ги поздрави градоначалникот на Битола, м-р Наташа Петровска, која нагласи дека како поранешен спортист и професор, постојано се залагала за се поголемо вклучување на младите битолчани во спортот, а работата во оваа насока ја продолжува и сега, како градоначалник на Битола.