ГРАНТ ЗА РАЗВОЈ НА НП ПЕЛИСТЕР

ГРАНТ ЗА РАЗВОЈ НА НП ПЕЛИСТЕР

Sorry, this entry is only available in Macedonian. For the sake of viewer convenience, the content is shown below in the alternative language. You may click the link to switch the active language.

Амбасадорот Самуел Жбогар, шеф на Делегацијата на Европската Унија, заедно со министерот за животна средина и просторно планирање, Садула Дураку, постојаниот претставник на УНДП, Луиза Винтон, и градоначалничката на Општина Битола, Наташа Петровска, денеска, во Инфо центарот на Пелистер, го најавиа почетокот на проектот за подобрување на управувањето со Националниот парк Пелистер. Toј е дел од проектот „Подобрување на управувањето со заштитените подрачја“ финансиран од Европската унија, преку ИПА II програмата – Секторска оперативна програма за еколошка и климатска акција 2014-2020, имплементиран од Програмата за развој на Обединетите нации (УНДП) во соработка со Министерството за животна средина и просторно планирање. Проектот за НП Пелистер кој е во вредност од 300 000 американски долари, се однесува на зајакнување на капацитетите на паркот преку едукација на вработените и мониторинг и претставува еден од 8 те грантови за големи заштитени подрачја. Проектот ќе помогне во подобрување на противпожарните капацитети на Националниот парк Пелистер, развивање програма за следење на живеалиштата и видовите, препознавање на социјалните и економските придобивки што произлегуваат од заштитата и одржливото управување со природните ресурси во заштитените подрачја, а истовремено ќе ги зголеми капацитетите на локалните самоуправи и граѓански организации за управување и промовирање на заштитените подрачја на професионален и одржлив начин.