КАРАВАНОТ ЗА ДЕТСТВО БЕЗ ПРЕЧКИ – ДЕНЕС ВО БИТОЛА

КАРАВАНОТ ЗА ДЕТСТВО БЕЗ ПРЕЧКИ – ДЕНЕС ВО БИТОЛА

Sorry, this entry is only available in Macedonian. For the sake of viewer convenience, the content is shown below in the alternative language. You may click the link to switch the active language.

Во организација на филмскиот фестивал „Караван за детство без пречки“ на Канцеларијата на УНИЦЕФ во Скопје, а во партнерство со Скопје филм фестивал и со поддршка од Општина Битола, денес во Центарот за култура во Битола се одржа еднодневен настан со филмска програма на оваа тема. За време на настанот низ анимирани и играни кратки филмови за деца од 9 до 13 години, наменети за промоција на инклузија на децата со попреченост, присутните имаа можност да погледнат различни ситуации кои можат да бидат дел од секојдневниот живот, особено на најмладите, а кои треба да претставуваат патоказ за нивното однесување и делување во процесот на игра, учење, дружење, социјализација. „Да се надминат предрасудите со кои децата со попреченост се соочуваат. Да се согледаат квалитетите и потенцијалите кои овие деца ги поседуваат и да се даде поттик во нивниот напредок. Заедничката работа и прифаќање, носат и заеднички успех и големи резултати“, ова меѓудругото беше посочено од децата кои секојдневно успешно ги надминуваат животните предизвици со кои се соочуваат, како лица со попреченост и на тој начин се квалитетни ученици, студенти, работници, а својот ентузијазам го вложуваат и изразуваат и во активностите со кои го исполнуваат слободното време. Градоначалничката на Општина Битола, м-р Наташа Петровска која присуствуваше на денешниот настан изрази голема поддршка на ваквите активности кои имаат значајна едукативна вредност. На денешниот настан присуствуваа и професори и педагози, како и ученици од неколку основни училишта од општината. „Караванот за детство без пречки“ има за цел да придонесе кон промоција на позитивната слика за капацитетите на децата со попреченост и афирмација на ставот дека тие се наши сограѓани кои можат рамноправно да учествуваат во сите сегменти од животот.

SONY DSC