Културни манифестации

Културни манифестации

Културни манифестации во Општина Битола

 

Секоја година на 5 јануари традиционално се организира Божиќен концерт кој претставува презентација на достигнувањата во културата и уметноста на битолските уметници. На истиот датум по повод верскиот празник Бадник се организира Коледе со голем оган и програма на плоштадот. Граѓаните се многу задоволни од овие случувања , што го докажува нивното големо присуство и интересот за истите . Општината обезбедува храна која бесплатно се дели на граѓаните

Мал битолски Монмартр

Детското ликовно студио ,,Св. Кирил и Методиј”- Битола е формирано на 6-ти октомври 1981 година. Основната цел на Студиото беше и е да ги опфаќа и доизградува младите ликовни таленти. Најголемиот успех на Студиото претставува организирањето на ,,Меѓународната детска ликовна колонија” во Битола која е позната под името ,,Малиот битолски Монмартр”

Најзначајната димензија на ,,Малиот битолски Монмартр” е почитувањето на уметничкото наследство, со споредбено делување на децата од различните култури и традиции. Во средбите на различните култури се развива духот на мултикултуралност и толеранција.

Досега имаат учествувано над 8000 основни училишта и предучилишни установи со над 500 000 детски цртежи од над 45 земји од светот. Се организира во месец мај.

На 10 јуни се организира Манифестацијата „Ден на културата“, при што цел ден се одвиваат културни активности во градот на повеке различни локации, а вклучени се локалните уметници и капацитети.

 

 

Битолско културно лето „Бит Фест“

Фестивал кој е познат кај голем број реномирани уметници од Република Македонија и светот. Музичко-сценска манифестација (театар, балет, опера, концерти на класична музика, ликовни изложби, разни перформанси, рок, поп, џез концерти). Се наоѓа на исто равниште со Скопско и Охридско лето. Од 2005 година е во целосна организација и финансиска поддршка на Општината Битола, а се одржува за време на летните месеци јуни, јули и август.

Локум Фест

Фестивал на музика и традиција кој се одржува од 2007 година во старата битолска чаршија со јасна мисија да ја заживее старата чаршија, да го зачува живото културно наследство и традицијата преку модерната чалгија, афирмирање на традиционалните ракотворби и други презентации во духот на културната традиција. Се одржува во месец јули.

Интернационален Фестивал на народни песни и игри ,,Илинденски денови,,

Основна цел на фестивалот е поттикнување, потпомагање и стимулирање на нашиот човек во татковината или било каде низ светските меридијани за истаржување, одгледување, валоризација и презентирање на автохтоните, изворните содржини и изрази во богатата народна културна ризница и нивно пренесување на идните генерации како бесценети културни вредности.

На овој фестивал досега учествувале над 1000 фолклорни друштва и пеачки групи со околу 30 000 исполнители. Основната функција на овој фестивал е да го негува изворниот фолклор. Фестивалот се одржува традиционално од 27 до 2-ри август.

Младински Арт Фестивал – „Битола отворен град“

Започна 2002 година со идеа Битола да ја отвори кон светот и интеркултурните трендови и  младите и промовирање на алтернативен сценски простор. Се одржува од 27 до 31 август.

АКТО – Фестивал на современи уметности

Неговите почетоци се во 2006 година каде се конституира врз четири оддели: визуелни уметности, изведувачки уметности, музика и теорија на културата. Се одржува во месец август.

Интернационален Фестивал на Филмска Камера  ,,Браќа Манаки,,

Десет години по првата проекција во Гранд-кафе во Париз, браќата Јанаќи и Милтон Манаки со нивната сега веќе легендарна Камера 300 купена во Лондон од компанијата ,,Урбан,, од моделот ,,Биоскоп,, (под сериски број 300) во 1905 година ги снимиле првите подвижни слики кои воедно биле први и на Балканот. Фактички тоа е камен-темелникот за македонската филмска историја.

Опусот на браќата Манки секогаш треба да се претставува како фотографски и како филмски.

Филмскиот опус на браќата Манки може единствено да се споредува со оној на браќата Лимиер и ним рамни во светот. Оттаму документаристичкиот филмски материјал што како трајна и непроценлива вредност го оставиле овие класици на македонскиот и балканскиот филм, е автоматски во врвот на светскиот пионерски-корифејски филмски документаризам.

Фестивалот се роди благодарение на група филмски ентузијасти, кои во 1979 година го основаа во чест на делото на браќата Манки. Денес е интернационален фестивал (најстар во светот кој ги вреднува директорите на фотографија – кинематограферите) а се одржува секоја година во месец септеври .

Интернационален  Фестивал на класична музика- Интерфест

Во изминатите години на овој значаен фестивал настапиле врвни уметници и ансамбли од нашата земја, цела Европа, Северна и Јужна Америка, Азија и Австралија. Одржани се концерти, ликовни изложби и сценски претстави од антологиска вредност. Се одржува од 2 до 12 октомври.

АТТUТИDЕ – Фестивал на современа уметност

Обединува уметници од целиот свет со акцент на современата уметност: видео-арт, изведувачки уметности и слично. Се одржува во месец октомври.

Интернационален Фестивал „КАМЕРА 300 “

Интернационален Фестивал на аматерски (непрофесионален) документарен филм „Камера 300“ се одржува секоја година во месец ноември

Голем број културни манифестации се резултат на непосредна организација на ЛС меѓу кои: празнувањето на денот на Битола 4-ти ноември, со правење на културна програма во траење од повеке денови (спорт, литература, сценско-музички презентации, ликовни изложби, филм).

Организиран дочек на Нова Година на градскиот плоштад каде се организира повеќечасовна културно уметничка програма во која учествуваат уметници од различни профили: професионални актери, музичари, културно уметнички друштва, млади музичари.

Саем на книгата – НУУБ Св. Климент Охридски неколку пати во годината го организира Саемот, со цел што поголема достапност на книгата до граѓаните. Саемот најчесто се одржува на отворено на различни локации

Фестивал Тра-ла-ла – Детски музички Фестивал кој се одржува најчесто во месец јуни.

СИ-ДО – Детски музички Фестивал

Светски ден на музеите – Меѓународниот ден на музеите 18 Мај се прославува од 1977 година, а е востановен од Меѓународниот совет на музеите (ИКОМ) и прифатен од 90 земји. Насекаде во светот влезот во музеите на овој ден е бесплатен.

Потпелистерски средби – Еднодневен Фестивал кој се одржува во с. Трново, каде се презентираат традиционални производи од производители од потпелистерските села. Се одржува на 28 август.

Денови на книгата – НУУБ Св. Климент Охридски ги организира овие денови со цел што поголема достапност на книгата до граѓаните (изложби на книги, промоција на нови изданија, поетски читања)

Фестивалот „Солстис-Празник на музиката“ е стара франкофонска традиција која е типична за франкофонските и медитеранските земји. летото.На тој ден на улиците и плоштадите Франција како и во стотици франкофонски градови во светот луѓето излегуваат и пеат, музицираат  и се забавуваат  славејќи го на тој начин доаѓањето на летото.Фестивалот е во организација на Центарот за културна деконтаминација и Француската Алијанса од Битола.

Во Битола овој фестивал познат и како „Солстис“ се организира традиционално од 2002 година , а годинава прославува десет години од постоењето.Карактеристично за фетсивалот е начинот на кој се одвива.Имено долж најдолгата амбиентална музика во земјата Широк сокака, на десетина импровизирани сцени настапуваат музички групи, хорови, солисти од земјата и од странство, како од класичната, така и од рок, поп, етно и друга музика…Битола тогаш наликува на Париз и Марсеј, а битолчани странските туристи уживаат во медитеранскиот дух на градот.

Коледе – Традицијата на палење колдарски огнови за овој ден е стара колку и сеќавањето на напиот народ.Општина Битола почитувајќи за традицијата на соопствениот народ ,а со ингеренциите кои му се дадени со децентарлизацијата секоја година на  5 Јануари ,  органзира големо собирање на граѓаните околу коледарскиот оган, пропратена со музички дел, посен грав и вино…

Св.Нектариј Битолски – Патрон на Општина Битола се слави секој 18  Декември во годината во соработка со Преспанско – пелагониската епархија. По повод овој празник се организира Литија низ центарот  на градот и музичка програма на која настапуваат хорови , фолклорни ансамбли и уметници од Битола.Обраќање пред граѓаните на Битола имаат Неговото Високо Преосвештенство Митрополитот Петар и Градоначалникот на Општина Битола Владимир Талески.

Традиционална средба на децата бегалци од егејскиот дел на Македонија – Традиционално секоја година на 2 август децата бегалци од егејскиот дел на Македонија (северна Грција) кои се наоѓаат низ целиот свет, на овој ден доаѓаат во село Трново и во дворот на црквата Успение на пресвета Богородица го слават нивниот спас со традиционални ора и песни.

Фестивал на монодрама

Фестивал на музика од светот

Денот на Европа – се чествува секоја година на 9 мај. Најчесто на плоштадот Магнолија на повеќе штандови се претставени земјите членки на Европската Унија со нивната култура, традиција, храна, музика и симболи.

Графичко триенале – Оваа ликовна манифестација се организира на секои три години, учествуваат голем број на врвни уметници од целиот свет од сите творечки генерации.

Во Битола секојдневно во текот на годината се организираат културни случувања од помал обем кои секако не се за потценување: ликовни изложби, концерти на сериозна музика, литературни презентации, театарски претстави, кино проекции, советувања, трибини, тркалезни маси и друго, каде општината Битола се јавува како организатор и коорганизатор и ги помага финансиски.