Грб на Општина Битола
Непрекинат златен фриз врз сина основа што ја симболизира богатата и длабока историја на Битола, централно поставениот црвено-златен штит и осончаните врвови на пелистерската молика и пелагониското златно класје се основните симболи на грбот на Општина Битола.
Сверичниот долен дел од грбот асоцира на белиот амфитеатар во Хераклеа
Сината боја го симболизира граѓанското општество и демократија
Црвената боја го симболизира животот и традицијата
Белата боја е метафора на моралната чистота и етика
Преку основната идеја на симболот на грбот, визуелно и хералдички се прикажани и доловени раскошните духовни и материјални добра на Општина Битола, дополнително засилени со чистата колоритна структура.