СО ИНФРАСТРУКТУРНИ ЗАФАТИ ДО ПОДОБРИ УСЛОВИ ЗА НАСТАВА ВО ЛОПАТИЦА ОД СЕПТЕМВРИ

СО ИНФРАСТРУКТУРНИ ЗАФАТИ ДО ПОДОБРИ УСЛОВИ ЗА НАСТАВА ВО ЛОПАТИЦА ОД СЕПТЕМВРИ

Градоначалничката Наташа Петровска заедно со дел од советниците во Советот на Општина Битола, го посетија населеното место Лопатица, каде во моментов се санира основното училиште и остварија средба со локалното население.

Жителите на Лопатица искажаа огромна благодарност до Општина Битола и до Петровска, за покажаниот интерес за санација на училиштето и брзата реакција. Покрај менувањето на комплетната водоводно-одводна инсталација и санација на тоалетите, веќе се поставени нови цевки и хидрофори. Во натамошните подготвителни активности пред почетокот на новата учебна година, ќе се санираат и училниците, а ќе се изврши дезинфекција на просториите со бојадисување.

Во Лопатица од први септември, во чисти и обновени училници и комплетно реновирани тоалети, на настава ќе се вратат 14 ученици од прво до петто одделение.