Во организација на ЗНТВ „Аманет“, во рамките на „БИТ ФЕСТ 2017“, во градскиот парк, кај Саат кулата во Битола, беше организирана едукативна работилница за деца и родители, насловена „Наш ден“. Преку работилницата исполнета со креативни игри, разговори и песни, најмладите, нивните воспитувачи и родители имаа можност да се дружат, да се забавуваат, но и да се едуцираат за културно историското наследство на градот.