На Античкиот локалитет Хераклеа и годинава голем број гости од повеќе држава имаа можност да уживаат во фолклорот карактеристичен за балканските држави презентиран од учесниците на Манифестацијата „Гоцеви денови“. Годинава,  Битолската фолклорна балканијада, овозможи повеќе играорни групи да го разиграат античкиот локалитет, а кај многубројната публика да внесат посебна енергија, радост и воодушевување.