На конститутивната седница во салата на Советот на Општина Битола, денес беше конституиран новиот Совет на Општина Битола. После извршената верификација на мандатите, членовите на советот дадоа свечена изјава. За претседател на Советот на Општина Битола со мнозинство гласови, беше избран Валентин Груевски. Новиот Совет на Општина Битола го сочинуваат 17 советници од СДСМ и Коалицијата, 11 советници од ВМРО ДПМНЕ и Коалицијата, 2 советници од независната листа „Поинаку“ (група избирачи – Габриела Илиевска) и 1 советник од Коалицијата за Битола предводена од ДУИ, Движење БЕСА, Алијанса за Албанците. На советниците од Советот на Општина Битола, им се обрати Градоначалничката Наташа Петровска посакувајќи им успешна работа.