На 9 август, вечерта, дворот на битолската Магаза беше вистинското место во Битола од кадешто извираше љубов, среќа и позитивна мисла. Мултимедијалнниот настан „Ние не гледаме со очи, ние гледаме со срце за Битола“ во организација на здружението за слепи лица од Битола, на битолската публика и многубројните туристи им приредија спектаклурен настан со изложби, музика, рецитали и признанија со музичко- сценски перформанси со нивна лична изведба.
На настанот зедоа учество повеќе учесници и здруженија како: „Весели Момчета“ здружение на слепи лица од Софија, Р. Бугарија, членови на здружение на слепи лица од Битола и музички изведувачи и солисти од Република Македонија.
Настанот беше поддржан од Општина Битола во рамки на битолското културно лето БИТ ФЕСТ 2015.