МЛАДИТЕ ОД ИЗРАЕЛ, ГЕРМАНИЈА И БИТОЛА ПОВТОРНО СОЗДАВААТ МОСТОВИ НА СОРАБОТКА И ПРИЈАТЕЛСТВО

МЛАДИТЕ ОД ИЗРАЕЛ, ГЕРМАНИЈА И БИТОЛА ПОВТОРНО СОЗДАВААТ МОСТОВИ НА СОРАБОТКА И ПРИЈАТЕЛСТВО

П​ретставници на „Меѓународниот младински камп – Патоказ кон помирувањето“ 2019 беа во посета на Општина Битола. Во кабинетот на градоначалничката Наташа Петровска​, младите волонтери од меѓународниот младински камп ги претставија своите програмски активности за време на престојот во Битола.

Градоначалничката Петровска истакна дека општината ги поддржува ваквите меѓународни иницијативи за соработка и дружење, особено што станува збор за млади лица кои не само што го промовираат градот во нивните земји, туку  остваруваат соработка и дружба со младите од Битола.

На средбата се разговараше и за можностите за унапредување на соработката и меѓународна промоција на Општина Битола. Ваквите проекти дават можност за поголема меѓународна промоција на Општина Битола, размена на искуства, зголемување на капацитетите за младинска акција, а имаат влијание и врз локалната економија.

Во работата на кампот се вклучени 56 учесници, од кои по 18 претставници од Израел и Германија, а останатите од Битола, поконкретно од ОО на Црвениот Крст Битола, како и ученици од гимназијата „Јосип Броз Тито“ и економското училиште „Јане Сандански“.