Еден од најмаркантните моменти во историјата на Македонското музичко творештво е музиката која зад себе ја остава ЛЕБ И СОЛ.
Поконкретно во периодот кога прогресивната музичка мисла е вткаена во нивниото творештво .
Најквалитетното од ЛЕБ И СОЛ ни е овозможено да го спознаеме преку звукот на класичниот оркестар – звук кој значи една сосема поинаква димензија, толку потребна и логична како последица на нивната 35-годишна активна кариера.
Оркестрациите на Кокан Димушевски за JEUNESSE MOVING ORCHESTRA се дела кои нудат едно сосема поинакво видување на лебисоловските :
Деветка, Бистра вода, Учи ме мајко карај ме, Ајде сонце зајде, Леб и Игри, Галеб, Си заљубив едно моме, Параматма, Скакавац, Јовано Јованке, Како ти драго, Ручни рад, Астролаб , Локомобила, композиции кои содржат специфична фузија на амбиент, драматургија и романтика на класичниот звук и уникатната музичка филозофија наречена ЛЕБ И СОЛ.
ЛЕБ И СОЛ :
Кокан Димушевски : клавијатури
Бодан Арсовски : бас
Димитар Божиков : гитара
Михаил Парушев : ударни инструменти
Диригент: САША НИКОЛОВСКИ ЃУМАР
Продуцент: Александар Герасимовски