Заменик градоначалничката на Битола Марина Крстиќ денеска учествуваше и се обрати на отворен ден 2026 – „УКЛО и пријателите”, во рамки на УКЛО Форумот – Образование, наука, стопанство.
Настанот кој се одржа на Факултетот за биотехнички науки имаше и две панел дискусии, а замислен како место за средба и поврзување на универзитетската и научната заедница, стопанството, институциите, студентите и партнерските организации, со цел размена на знаења, идеи и можности за конкретна соработка.
Во своето обраќање заменик градоначалничката Крстиќ истакна дека вистинскиот развој на една заедница започнува со квалитетно образование, продолжува со поврзување на науката и стопанството и се потврдува преку создавање можности за младите.
„Затоа, особено е важно да градиме силни партнерства меѓу локалната самоуправа, универзитетот и бизнис-секторот, кои ќе овозможат практични знаења, иновации, професионално усовршување на нашите млади. Општина Битола останува посветена на поддршката на образованието и создавање услови младите луѓе своите знаења, идеи и потенцијали да ги реализираат токму тука, нашиот град“ рече Крстиќ.
Таа истакна и дека нашата заедничка цел треба да биде младите да имаат перспектива, можности за професионален развој и причини својата иднина да ја градат тука во Битола и регионот.
