Градоначалникот на Општина Битола Тони Коњановски денеска го прими Ола Сулстром, Амбасадор на Шведска во Република Македонија, кој е во официјална посета на Општина Битола.
Разменија мислења за билатералните односи меѓу двете земји, а градоначалникот Коњановски го запозна со Битола градот со богата историја, култура, туристичката мапа и убавините на градот под Пелистер, како и економските потенцијали кои ги нуди Битола и кои се привлечни и за странски инвеститори.
Денеска и градоначалникот и амбасадорот ќе бидат говорници на Националниот настан за вмрежување на Локалните економско-социјални совети (ЛЕСС) со наслов „Праведна енергетска транзиција во Пелагонија – нови вештини, иновации и одржлив економски развој“.
Коњановски му подари пригоден подарок на високиот дипломат, а тој се заблагодари за гостопримството.
