„Зимската приказна“ е на половина од реализацијата на програмските содржини, а вчерашниот ден е уште една потврда за огромниот интерес на публиката. Многу впечатливи содржини го исполнија вчерашниот ден, а вечерната програма во целост го исполни Платото пред Офицерскиот дом.
Етно поп дуото „Некст Тајм“, одржа одличен концерт на кој ги изведоа нивните обработки на македонските песни, но и песни кои ги пееле во почеток на нивната кариера. Песните се пееја заедно со присутните, кои ги враќаа на сцената за песна повеќе.
На сцената кај Офицерски дом настапија и ТК „Данза Есперанза“ со „Kangoo power performance“ музичката група „The Groove“, а за крај пееја „Sinful Glare band“.
Денешниот ден исто така, носи прекрасна програма за сите генерации, која се реализира во Старата чаршија, лизгалиштето на Плоштадот Магнолија, низ Широк Сокак, кај Офицерски дом, а во вечерните часови Платото е резервирано за настап на „Еликсир бенд“, „Чоканче“ и „Паркети“.
