Заменик амбасадорот на Велика Британија во Македонија, Пол Едвардс, денеска престојуваше во посета на Општина Битола каде оствари средба со градоначалникот на оваа општина, д-р Владимир Талески.
Република Македонија се вбројува во една од ретките држави во светот која го слави делото на Вилијам Шекспир, a општина Битола е домаќин и организатор на интернационалниот театарски „Битола Шекспир фестивал“ на кој учествуваат националните театари од Кина, Русија, САД, Србија, Финска и други реномирани театри кои го негуваат делото на Шекспир. Токму во оваа насока и на денешната средба, градоначалникот Талески и амбасадорот Едвардс разговараа за идната соработка на културно поле, а особено акцентот беше ставен на соработката во рамките на следниот „Битола Шекспир фестивал“ кој ќе се одржи ова лето како дел од програмата на Битолското културно лето „Бит фест 2016“.