После синоќешната духовна академија, денес во Храмот Свети Великомаченик Димитриј се одржа Света Божествена литургија и литија низ битолските улици. Веднаш потоа, Митрополитот преспанско-пелагониски г.Петар го посети градоначалникот Талески, а на заедничката средба се разговараше и за Црквата во чест на Свети Нектариј Битолски која наскоро треба да биде изградена во централното градско јадро.
Градоначалникот и митрополитот, уште еднаш на сите битолчани им го честитаа празникот и го изразија своето големо задоволство од постојаното зголемување на бројот на верници кои го одбележуваат денот на заштитникот на градот.