Изворната „На Струга Дуќан да имам“, маестрално беше изведена синоќа во Пациото на Музејот, од најстариот Студенскиот симфониски оркестар од Утрехт, Холандија, кои што во рамките на БИТ ФЕСТ 2015, преку соработка со Амбасадата на Кралството Холандија, настапија пред битолската публика.
За време на вечерниот музички перформанс беа отсвирени класични композициски дела на Турина, Блох и Стравински под диригентската палка на Бас Полард.  Студенскиот симфониски оркестар е основан во 1823 год. и е најстариот симфониски оркестар во Холандија.  Тој е еден од најдобрите студенски оркестри  во земјата составен од деведест члена. Бас Полард е диригент на Студенскиот симфониски оркестар од 1997 година и професор на Кознерваториумот во Амстердам.
Традиција на Студенскиот симфониски оркестар се сите вечерни понеделнички проби, а задоволството беше уште поголемо што овој понеделник на нозе ја кренаа многубројната битолска публика со македонската „На Струга дуќан да имам“.