Танцовиот караван во организација на Beatrix Crew направи уште една незаборавна вечер на БИТ ФЕСТ. Разиграна атмосфера на Плоштадот Магнолија, многу забава и голем број учесници ја отсликуваат танцовата магија во Битола, за време на гостувањето на танцовиот караван. „Танцовиот караван, кој претставува една патничка авантура на нашите инструктори, меѓудругото е и една одлична можност за оние кои се веќе вљубени во танцот, а и за оние кои се уште не го направиле својот прв чекор на подиумот. Накратко, нашите инструктори (Leonardo Huseini, Ivana Balabanova, Martin Ivanov, Stefani Pecalevska, Ana Marija Temelkovska и Jana Petrovska) одржуваат бесплатни танцови работилници, отворени за сите оние кои се расположени да научат нешто ново!“, велат од Beatrix crew. Овој проект им дава можност на децата да учат од разни инструктори, а им отвора и можности за посета на семинари. Големиот интерес во Битола, како од учесниците, така и од публиката и случајните минувачи, потврди дека Битола знае да ужива во ваква несекојдневна и посебна забава.