Општина Битола го објави јавниот повик за учество во програмата на Битфест 2019 година. Јавниот повик се однесува на кофинансирање на манифестации и проекти од областа на културата и тоа:

– музичко и музичко – сценска уметност

– театар

– ликовна уметност

– видео, фото, филмска уметност

– литература

– фолклор

– нови уметности

Вкупниот износ на средства кои се предвидени со овој повик е 4 000 000 денари. Право на учество на јавниот повик имаат сите заинтересирани субјекти, физички лица, правни лица, Здруженија на граѓани, владини организации и јавни установи од областа на културата (со седиште во Општина Битола). Ако апликантот е со седиште во друга општина, проектот/активноста треба да се случи на територија на Општина Битола. Деталите за јавниот повик и потребното барање, може да ги најдете на веб страницата на Општина Битола, на следниот линк:

http://www.bitola.gov.mk/%D1%98%D0%B0%D0%B2%D0%B5%D0%BD-%D0%BF%D0%BE%D0%B2%D0%B8%D0%BA-%D0%B7%D0%B0-%D1%83%D1%87%D0%B5%D1%81%D1%82%D0%B2%D0%BE-%D0%B2%D0%BE-%D0%BF%D1%80%D0%BE%D0%B3%D1%80%D0%B0%D0%BC%D0%B0%D1%82%D0%B0-%D0%BD-3/

Краен рок за поднесување на апликацијата со прилозите во еден примерок е петок, 7-ми јуни 2019 год., до 16 часот.