Прекрасната летната сцена беше епицентарот на вистинското музичко доживување што се случи во Битола со концертот на најпознатата македонска  и европска група Фолтин.

Со своите 18 години постоење во статистиката на Фолтин стои, седум самостојни албуми, музика за преку дваесет театарски претстави и бројни настапи во Македонија, Хрватска, Италија, Австралија, Словенија, Србија, Босна и Херцеговина, Албанија, Бугарија, Франција, Германија, Унгарија, Англија, Либан, Холандија, Белгија, Турција и Чешка.  Карактеристично за нив е експресијата и стабилноста на музичкиот израз и од аспект на композицијата и од аспект на музиката со што достојно промовираат и афирмираат еден модерен правец кој ја привлекува различната по возраст публика. Изразувајќи се преку нотите и дирките на инструментите со помош на магичната сила на бојата на гласот на вокалот, Бранко, тие пренесуваат пораки со универзално значење.

Последниот албум на Фолтин насловен „Пијан Славеј“ излезе годинава, во продукција на Центарот за култура од Битола.

Музичкиот перформанс беше во програма на десеттиот по ред БИТ ФЕСТ 2015.