По повод 71 годишнината од бегството на политичките затвореници од бугарскиот фашистички затвор кај „Црн Мост“ свежи цвеќиња на споменикот и спомен плочите положија градоначалникот на општина Битола д-р Владимир Талески, општинскиот одбор на сојузот на борците од Битола и други организации.
„Ова е многу значаен ден. Убаво е денешните и идните генерации, секогаш да го паметат ова како една многу значајна и важна поука во иднината, бидејќи тоа е еден дел, една слика, едно парче од големата слика на Македонија и денешна Република Македонија како самостојна и независна која што укажува на континуитет децениски и вековен континуитет на македонскиот народ.“ истакна градоначалникот Талески.