На Интернационалниот фестивал на филмската камера „Браќа Манаки“, во хотелот Епинал беше доделена наградата за најдобар ангажиран документарен филм. Тричленото меѓународно жири, во кое учествуваше и битолчанецот Стефан Хаџиантоновски, одлучи наградата да му припадне на документарниот филм „За Сама“, во режија на Ваад ал-Катеаб и кинематограферот Едвард Вотс.

Градоначалничката м-р Наташа Петровска во името на Општина Битола ја додели наградата во вид на плакета и истакна дека е големо задоволство да се додели оваа наградата од градот, во кој твореле браќата Манаки токму преку документаристичкиот пристап.