Вистинско доживување на сите сладокусци на убавата музика. Изведба на сите 16 сонгови од цедето „Песни од Коштана“ на дуото Силви Бенд кое влегува во вековните проекти со рустичноста и древноста од 19 –тиот век, збогатено со голем пратечки бенд, најубавите реплики на Митке и Коштана, од истоимената драма, многу  фолклор и огромен перформанс на сцената.

Квалитетен мјузикл и перформанс кој изобилува со прекрасни песни и игри во кои во главната улога, во ликот на Коштана се јавува Силви, 40 тина луѓе на сцена, а Илија Струмениковски, доајенот на македонската драма го толкува ликот на Митке.
Публиката пред Домот на АРМ доживеа вистинска исполнетост, прошетка низ едно минато време, време кое потсетува на убавиот фолклор, на животните судбини и љубовта која денес се остварува на еден многу поразличен начин.