Многу емоции, музика и уште еден „Незаборав“ на БИТ ФЕСТ. Овојпат посветен на Љупчо Спасеновски – Бубамара – битолскиот пејач, автор, музичар, текстописец, кој прерано си замина од овој свет на 46-годишна возраст, но зад себе остави долга листа на хитови кои вечно ќе се паметат.
Композициите што ги создаваше Спасеновски беа изведени од Бојан Стојков, Соња Мембрено, Ирена Памперс, Симона Гулевска и многу други познти битолски пејачи, а во живо за многубројната публика свиреше групата „LIVE 5“.