БИТ ФЕСТ: ИЗЛОЖБА „СВЕТСКИ КУЛИНАРСКИ КРЕАЦИИ ВО КОНЗУЛСКА БИТОЛА“

БИТ ФЕСТ: ИЗЛОЖБА „СВЕТСКИ КУЛИНАРСКИ КРЕАЦИИ ВО КОНЗУЛСКА БИТОЛА“

Здружението за едукација и кулинарство Сѐ за храна Битола, во рамките на Битфест 2014, организираше изложба на храна „Светски кулинарски креации во конзулска Битола“. „Сѐ за храна“ успешно функционира повеќе од две години, а организираат и учествуваат на различни случувања и настани од промотивен и хуманитарен карактер, настани со креативни и едукативни поводи, различни работилници, обуки, семинари и слично. Во таа насока, оваа креативна изложба е една од многубројните активности на Здружението, која на присутните посетители им овозможи единствена можност да погледнат голем број на светски кулинарски креации и декорации, изведени од тимот на Сѐ за храна, кои по завршувањето на изложбата беа отворени за дегустација од присутните посетители. Ова е второ учество и претставување на Сѐ за храна како дел од Битфест.