Во близина на битолското село Егри, денеска свечено беше пуштена во употреба соларна електрана со моќност од еден мегават. Фотоволтаичната централа има моќ и при лоши временски услови да произведува еколошка енергија, а единствено потребна и е светлина. Инвеститор е Торпедо Солар ГТ Битола со поддршка на Капитал банката, а Општина Битола овозможи поволности за инвеститорите ослободувајќи ги од надомест за комуналии.
„Кога целокупната регулатива постоеше и со одлуката на Општина Битола дека ваквите објекти се ослободуваат од давачки за инфраструктурно уредување користејќи го моето знаење и знаењата на господинот Герзовски од аспект на бизнисот се одлучивме за една ваква инвестиција, изјави Проф д-р Љупчо Трпезановски, еден од основачите.
Градоначалникот на Општина Битола, м-р Владимир Талески најави дека ваквата одлука ќе биде бенефит и за идните инвеститори
„Не им побаравме никакви даноци за инфраструктура, бидејќи овде не е потребно ниту пат, ниту канализација, ниту водовод и се надевам дека и за во иднина ќе важат овие услови за ваквов вид инвестиции.”- изјави м-р Владимир Талески градоначланик на Битола.
Соларната централа е изградена од Соларпро холдинг, системски интегратор на соларни системи во Бугарија, со вкуно изградени 32 соларни електрани со вкупен капацитет од 86 мегавати. Од компанијата гарантираат 99% работоспособност на електраната во период од 20 години. Ваквите електрани даваат и голем еколошки бенефит, што е во согласност со обврската на нашата држава за влог во обновливи извори на енергија согласно барањата на Европската унија.