Премиерот Никола Груевски, Градоначалникот Владимир Талески и министрите Миле Јанакиевски, Никола Тодоров, Зоран Коњановски и Иво Ивановски, ставија во функција неколку капитални објекти чиј инвеститор е Владата на Република Македонија.
  На учениците од средното економско училиште „Јане Сандански“ на располагање им е нова фискултурна сала од проектот 145 училишни фискултурни сали на Минстерството за образование и наука, а студентите од студентскиот дом „Кочо Рацин“-Битола во секоја соба на располагање ќе имаат бесплатен интернет.
  Во потпелистерското село Буково, во употреба го ставија реконструираниот водовод во селото. Водоводот во Буково сега е со нов цевковод, а старите цевки се заменети со нови, полиетиленски, што значи здрава вода за буковчани и за другите 200 куќи кои се веќе приклучени на овој систем.