26 годишниот битолчанец Кире Кочанковски е најсреќниот битолчанец кој го фати светиот крст во соборниот храм Св. Великомаченик Димитриј во Битола. Денес, Кочанковски со дел од своите пријатели остварија средба со градоначалникот Талески. Општина Битола, традиционално и годинава најсреќниот на Водици го наградува со парична награда во вредност од 10 000 денари. Кочанковски најави дека дел од овие и средствата кои што беа собрани на Водици ќе бидат донирани во доизградба на храмот Архангел Михаил во Битола, а еден дел од средствата ќе се искористат за набавка на иконата на Свети Јован Крстител која ќе биде донирана во детското одделение во Клиничка болница – Битола.
![](https://www.bitola.gov.mk/wp-content/uploads/2015/05/krstot_vodici_priem_14_1-100x67.jpg)