Во Големата сала на Центарот за култура вчеравечер се одигра Музичка претстава за деца „Убавицата и ѕверот“. Претставата „Убавицата и ѕверот“ е детска театарска претстава – мјузикл, работена според оригиналното сценарио, а користена е и оригиналната музика и сонгови од цртаниот филм на Валт Дизни. Во претставата учествуваат петнаесетина ликови, облечени во автентични костими и реквизити и затоа претставуваше вистинско уживање за помладата, а и повозрасната публика.