Делегација од Риека денеска ја посети Општина Битола. На средбата присуствуваа заменик градоначалникот на Риека и претседателот на Здружението на стопанственици од Риека кои се запознаа со можностите и условите кои ги нуди индустриската зона „Жабени”, а изразија и особен интерес за идни инвестиции, со цел продлабочување на соработката помеѓу Битола и Риека. Со оваа средба се овозможи контакт со битолските стопанственици, како и развивање на конкретни планови за инвестирање во повеќе области кои се особено интересни и поволни за двата градови, а се во насока на подобрување на стопанскиот развој.