Прекрасна атмосфера, преполн плоштад и исклучителна забава понуди програмата со која Битола ја дочека Новата 2014 година на Плоштадот Магнолија. Атмосферата ја загреаа битолските групи: Х-бенд, Паркети и Памперси, публиката од срце ја насмеа комичарот Марјан Ѓоргиевски со својата стенд ап комедија, а никој не остана рамнодушен и на хумористично – сатиричен блок на Петар Горко и Соња Михајлова. За добрата забава се погрижија и Татјана Стефановска, Борче Наумовски и групата Мадригали.
Главната ѕвезда на вечерта, Каролина Гочева ја издигна атмосферата до максимум. Точно на полноќ Новата година на своите сограѓани им ја честита Градоначалникот на Општина Битола, д-р Владимир Талески, посакувајќи им многу здравје, среќни семејства и уште поуспешна 2014 година.
Новогодишната програма на Плоштадот Магнолија продолжи до 02.00 часот после полноќ со настап на групата „Боеми“.