Денес во Битола започна Новогодишната програма на која најмногу и се радуваат децата. Денешниот интерес потврди дека општина Битола и овојпат го направи вистинскиот избор на програмата. Содржините започнаа во зоолошката градина каде што дечињата можеа да бидат дел од новогодишниот перформанс „Дедо Мраз во зоолошката градина“. Од 11.30 часот на Плоштадот Магнолија најмладите другаруваа со хитовите од детските фестивали, а можеа да ги погледнат и новогодишната детска претстава на „Студио кидс“, како и детската претстава на драмската група „Без маска“, насловена „Кавга меѓу две елки“. Пладневниот блок на детската програма заврши со детската претстава на „Солза и смеа“, насловена „Новогодишниот јунак Дедо Мраз“.