Со подобрувањето на временските услови, викендов започна обележувањето на улиците во Општина Битола. Екипи од ЈКП Нискоградба на терен започнаа со обележување на пешачките премини, а за време на викендот ќе бидат обележани подолжните линии, по што активностите ќе продолжат со обележување на жолтите линии. Паралелно со обележувањето на хоризонталната сигнализација се одвива и поставувањето на вертикалната сигнализација, односно сообраќајните знаци. И двете активности предвидено е да бидат завршени до крајот на месецот.
Обновувањето на хоризонталната и поставувањето на нова вертикална сигнализација на улиците ќе придонесе за поголема прегледност, а пред се безбедност во сообраќајот.