Градежните активности за реконструкција на улица „Ленинова“ се во полн ек. Градоначалникот Талески на терен информираше за текот на активностите кои во моментот се одвиваат на потегот од НУУБ „Свети Климент Охридски“ до Пелагонка 2. Во завршна фаза е промената на водоводната мрежа на ул.„Ленинова“ во должина од 321 метар, а потоа започнува гребење и асфалтирање на улиците. „Кирил и Методиј“ во должина од 227 метри, „29 ти ноември во должина од 168 метри и коловоз на улица „Ленинова“ во должина од 315 метри. Со завршувањето на асфалтирањето овие улици ќе добијат нов коловоз во должина од 710 метри, а просторот пред Центарот за култура ќе добие и ново партерно уредување.