Министерот за надворешни работи Антонио Милошоски и Градоначалникот Талески  го посетија Универзитетот „Св.Климент Охридски“ во Битола при што се сретна со ректорот Златко Жоглев со кого разговараа за меѓународната соработка и проектите што ги реализира Универзитетот.
Министерот Милошоски го посети и Факултетот за администрација и менаџмент на информациски системи, каде одржа предавање посветено на евроинтеграциските процеси на Република Македонија.